विनवणी ... 
प्रियकराची 


मनात नसलं तरी 
खोटं-खोटं तरी तू हास ना,

प्रेम नसलं तरी
माणुसकीने तरी तू वाग ना ..!



नातं उरलं नसलं तरी
अनोळख्याप्रमाणे टाळू नको ना,

अंतरात नसलं तरी
लोकांसमोर तरी तू बोल ना ..!



कुणा कुणाला सांगु मी
तुझ्या माझ्यातली भांडणाची कारणं,

तमाशा प्रेमाचा अपुल्या
सर्वांसमोर तरी तू करू नको ना ..!



मान्य मला दोघात
मी इतके ताणायला नको होते,

तू सुद्धा भांडणात
भावनांस माझ्या जाणायला नको का ?



तुझ्याशिवाय जगण्यात सखये
मला काही स्वारस्य उरलं नाही,

मी गेल्यावर तरी
शेवटचे पाहण्यास तू येशील ना ...?


--- संजय कुलकर्णी .