Popular Posts

Saturday, July 7, 2012

पहाट स्वप्ने ..!!


मान्य मला सत्य नाही हे 
पण स्वप्नात मजला नित्य भेटशील का ?

मान्य मला केवळ मनोरंजन हे
पण स्वप्नात मजसवे थोडे रमशील का ?


मान्य मला शक्य नाही हे
पण स्वप्नात पळभर साथ देशील का ?

मान्य मला खरे नाही हे
पण स्वप्नात क्षणभर हात घेशील का ?


मान्य मला स्वप्नभंग दुख्खांत आहे
पण स्वप्नात मजसंग सुखात राहशील का ?

मान्य मला सारे हास्यवत आहे
पण स्वप्नात जन्मभर एकत्र नांदशील का ?


मान्य मला दिवास्वप्ने पाहू नये
पण पहाटेस तू स्वप्नात येशील का ?

मान्य मला जीवन स्वप्न न्हवे
पण 'पहाट-स्वप्नां'स तू सत्यवत करशील का ...?


--- संजय कुलकर्णी 

No comments:

Post a Comment