हे ठावे तुलाही अन मनोमन मलाही ...!!




तू कबूल करो 
वा मी नाकारो 

पण एकमेकां शिवाय 
मन लागत नाही 

हे ठावे तुलाही 
अन मनोमन मलाही ।। १ ।।


डोळे सुद्धा अपुले
बोलति मनाने मनाशी

सर्व काही सांगती
पण कोणी ना ऐकती

हे ठावे तुलाही
अन मनोमन मलाही ।। २ ।।


ना तुझ्याजवळ मी
ना मजपाशी तू

दूर एकमेकांपासून तरी
सूर एक अंतरी !

हे ठावे तुलाही
अन मनोमन मलाही ।। ३ ।।


प्रेम तुझे मजवर
अन माझे तुजवर

जाणतेस खरे तुही
अन मानतो मीही !

हे ठावे तुलाही
अन मनोमन मलाही ।। ४ ।।


--- संजय कुलकर्णी