का मुग गिळले ..?

एक साधे उत्तर त्यास तुला किती प्रश्न पडे
हो कि नाही सांगण्यास, सखये का इतुके आढेवेढे !


एकांती तुला गाठण्यासाठी प्रयत्न किती मी केले
भेटता अचानक गोंधळून बोबडी किती तुझी वळे !


मनास माझ्या संभाषुन नजरेनी, किती तू अजमाविले
वायफळ बोलण्यात वेळ घालवूनी, मुद्द्याचे तू टाळिले !


तुझ्या आठवांत तळमळून मी, किती रात्री जागल्या
तुझ्या भासांत गडबडून लोकांच्या, किती चेष्टांस साहल्या !


पत्रांतून नात्यां विषयी भरभरून किती ग तू लिहिले
नाते अपुले कोणते पुसतां, साजणे का मुग गिळले ..?


-- संजय कुलकर्णी .