नाते तुझे माझे ,
अनाकलनीय अमूर्त अवर्णनीय !
घनदाट मेघांस पाहुनी ,
उत्स्फूर्त नाचणार्या मयुरासारखे !!
नाते तुझे माझे ,
हळव्या मनस्वी भाव-विश्वाचे !
एकमेकांपासुनी दूर दिसणारे ,
हृदयी प्रेम 'राधा-कृष्णासम' जपणारे !!
मुलायम तव शब्द-स्पर्शांनी ,
तनमन रोमाचीत करणारे !
अवीट विलोभनीय प्रेमानंदाने ,
आयुष्ये कृतार्थ होणारे ...!!
नाते तुझे माझे ,
जन्मोजन्मी असेच राहू दे !
अबोल अंतरीच्या ओढीने ,
हृदयात अखंड नांदू दे ... !!
---संजय कुलकर्णी.
No comments:
Post a Comment