मैत्री तशी सर्वांशी
नेहमी करतो आपण,
तयांतील एखादीच व्यक्ती
जाणते आपले मन !
लपंडाव खेळणार्या श्रावणातल्या
सरींप्रमाणे अकस्मात भेटून,
मुक्तपणे तयाच्या प्रेमात
भिजवून आनंदवते तनमन !
मैत्री म्हणजे न्हवे
एकमेकांना सतत भेटणं,
मैत्री म्हणजे न्हवे
तिन्ही-त्रिकाळ "हाय हेलो" करणं !
मैत्री म्हणजे भावना
एकमेकांच्या स्वत:हून जाणणं,
मैत्री म्हणजे सुख-दु:ख
एकमेकांची स्वत:हून वाटणं !
जाणतो खरे स्वत:ला
मैत्री मुळे आपण,
अन मुक्त करतो
कोषातलं बंदिस्त मन !
मैत्रीतून जन्मते कधी
निखळ प्रेमाचं रोपटं,
जीवनात फुलविते दोघांच्याही
नकळतपणे " सहजीवनाचं " घरटं ...!!
--- संजय कुलकर्णी.
chan aahe khup agadi sundar!
ReplyDeleteधन्यवाद माधुरी !
ReplyDeleteअशीच माझ्या ह्या ब्लॉग ला अशीच वारंवार भेट देत जा आणि
माझ्या कविता वाचून तुझे अभिप्राय अवश्य दे कारण
त्यामुळे मला अधिक चांगल्या कविता
लिहिण्याची स्फूर्ती मिळते !
माझ्या "फोलोअर" मध्ये सामील होशील का प्लीज ?
पुन्हा एकदा मनापासून आभार तुझे !