आनंदकंद मम काव्याचा ... तू !
मनमोहना कृष्णसख्या मनरंजना ... तू
जिवलगा मम आत्मानंदा ... तू
नयनाच्या निरंजना परमानंदा ... तू
सुखनिधान मम जीवनानंदा ... तू !
मम हृदयीच्या अंतरात ... तू
अफाट विस्तीर्ण अंतराळात ... तू
चंचल मनाच्या गाभार्यात ... तू
विराट विश्वाच्या पसाऱ्यात ... तू !
मात-पिता सर्व बांधवात ... तू
मम आप्त स्वकीयात ... तू
प्रेमळ मित्र गणात ... तू
मम प्रिय सख्यात ... तू !
कार्य प्रेषिता मजला ... तू
'कर्ता-करविता' मम कार्याचा ... तू
शिकविणारा गुरु मजला ... तू
यशवंता मम भाग्याचा ... तू !
मम काव्यातील भावनात ... तू
उत्स्फूर्त निर्मळ प्रेमरसात ... तू
प्रेमसुगंध तयांतून फुलविणारा ... तू
आनंदकंद मम काव्याचा ... तू !!!
---संजय कुलकर्णी
No comments:
Post a Comment