जीवन भकास व्हावे किती ... ?

सांग प्रिये तुला मी स्मरावे किती ?

आठवांत तुझ्या निसदिन झुरत मरावे किती ?

तुझ्या प्रीतीचा सखये असे किनारा मी ,

प्रेमाच्या भरती अहोटीस सांग सोसावे किती ?

प्रेमाच्या देण्या घेण्यात असो श्रीमंत किती ,

दारिद्र्यास प्रेम-सुखाच्या सांग भोगावे किती ?

पौर्णिमेच्या चांदण्यांनी आज उदास करावे किती ?

तुझ्या वियोगाच्या दु:ख्खांनी आसवास रोखावे किती ?

मधुर तुझ्या सहवासात आयुष्य स्वप्नमय वाटावे किती ?

अकस्मात तुझ्या जाण्याने जीवन भकास व्हावे किती ?

-----संजय कुलकर्णी.