विनवणी ... प्रेयसीची !!
जे ना बोलले शब्दाने
डोळ्यात तुझ्या मी पाहिले !
जे ना बोलले शब्दाने
डोळ्यात तुझ्या मी पाहिले !
गुपित हृदयीचे जरी लपविले ,
हसण्याने तुझ्या मी जाणिले ..!!
तू कितीहि तयांस नाकारले
चाल चलनांनी तुझ्या दर्शविले !
चोरून मज करिसी इशारे
पाहता मी, कां लाजसी रे .. ?
वाखाणता कोणी मम रूपा
उदास होऊन,कां रुसशी रे ?
संशयाने मग तुझे अबोलणे
प्रेम नाही तर काय आहे रे .. ?
भेटण्यासाठी हट्ट धरीशी तू
भेटल्यावर मनातले कां लपवीशी रे
बोलायचे ते ना बोलून
फालतू 'टाईम पास ' कां करशी रे ..?
प्रेम होणे नसे गुन्हा
भावना मनीच्या कां लपवीशी रे ..?
वेळ कुणासाठी कधी ना थांबते
पश्चातापून मग नशिबास दोषवशील रे .. !!
---संजय कुलकर्णी.
No comments:
Post a Comment