तू राधा होणे अशक्य आहे ...!

समजू नकोस तू मज विसरणे शक्य आहे

जखम भरली तरी व्रण लपविणे अशक्य आहे !

भेट टाळणे तुला आज जरी शक्य आहे

मनातून घालविणे मला तुजला सदैव अशक्य आहे !

हसर्या चेहऱ्याने जगास आनंदित दर्शविणे शक्य आहे

अंतरीच्या दुख्खास तुला एकांती थोपविणे अशक्य आहे !

प्रेम न्हवते तुझ्यावर सांगणे सहज शक्य आहे

पाहता गुलाबास तू वचनास विसरणे अशक्य आहे !

फसवून मजला तू सुखात जगणे शक्य आहे

स्वप्नातही कधी तू राधा होणे अशक्य आहे ...!!!

---संजय कुलकर्णी.