काही केल्या ...

काही माणसं..
काही केल्या विसरता येत नाहीत,

काही आठवणी..
काही केल्या मनातून जात नाहीत ..!!

काही संबंध..
काही केल्या आपणापासून दुरावत नाही,

काही जिव्हाळे..
काही केल्या आयुष्यातून आटत नाही ...!!


काही व्यक्ती..
काही केल्या आपणास समजत नाहीत,

काही स्वभाव..
काही केल्या अंतरास उमजत नाहीत ...!!


काही नाती..
काही केल्या वर्णिता येत नाही,

काही माया..
काही केल्या रक्ताच्या नात्यात नाही ...!!


काही क्षण..
काही केल्या जीवनापासून तुटत नाही,

काही मन..
काही केल्या मनापासून जुळत नाही ..!!

-- संजय कुलकर्णी.