ती :- ए, असं काय बघतोस 
काही न सांगतां उगाच हसतोस ?

तो :- ए असं काय लाजतेस 
काही न बोलतां गालात हसतेस ? -- धृ --


ती :- धडधड जीवाची कशास वाढवतोस
गडबड मनाची कशास करतोस ?

तो :- चोरून बघतेस पहाताच टाळतेस
मनातलं लपवितेस इतरांचं सांगतेस ?


ती :- ताकाला जायचं अन भांड लपवायचं !
तो :- प्रेमात पडायचं अन प्रेमास दडवायचं !!


ती :- ए, असं काय बघतोस
काही न सांगतां उगाच हसतोस ?

तो :- ए असं काय लाजतेस
काही न बोलतां गालात हसतेस ? -- १ --



ती :- किती दिवस असं चालायचं
भेटायला बोलावून कारण विचारतोस ?

तो :- किती दिवस असं फसवायचं
प्रेम करूनही मैत्री म्हणतेस ?


ती :- डोळे मिटून हळूच दुध प्यायचं !
तो :- मनात असूनही नाही नाही म्हणायचं !!


ती :- ए, असं काय बघतोस
काही न सांगतां उगाच हसतोस ?

तो :- ए असं काय लाजतेस ?
काही न बोलतां गालात हसतेस ? --२ -

-- संजय कुलकर्णी.