आयुष्य असंच असतं ..!! 

खरं म्हणजे आयुष्य असंच असतं 
कणभर सुखामागं मणभर दु:ख्ख भोगणं ..

खरं म्हणजे आयुष्य असंच असतं
नदीच्या पाण्यासारखं दगड-धोंड्यांआडून वाट काढणं ..

खरं म्हणजे आयुष्य असंच असतं
सूर्यासारखं तटस्थ राहून कार्य करीत रहाणं ..

खरं म्हणजे आयुष्य असंच असतं
चंद्राप्रमाणं कमी-जास्त स्वीकारून सर्वांस सुखावणं ..

खरं म्हणजे आयुष्य असंच असतं
सागरासम भरती-अहोटीस तोंड देत उत्साही जगणं ..

खरं म्हणजे आयुष्य असंच असतं
पतंगाप्रमाणं जिवलगांस्तव जन्मभर खपून संपणं ..!!

-- संजय कुलकर्णी.