जगणे माझे आनंदवन झाले !!
अनंत संगात दंगून झाले
सुख-दुख्खांस भोगून झाले
प्रेमानंदास मी लुटले
जगणे माझे आनंदवन झाले !!
आस कशाची बाळगू अता ?
हवे-नको ते मिळवून झाले
स्वर्ग कशास अपेक्षु मरता
जगणे माझे स्वर्गमय झाले !!
बदल जीवनाचे तत्व उमजता
सुखविले दु:ख्खात सुंदर स्वप्नाने
उदासीनतेत प्यायले धीराचे अमृतप्याले
जगणे माझे अमृतमय झाले !!
मनमोकळे बोलू लिहू जाता
प्रेमधारात मी चिंब नाहिले
संग असंख्य जीवनभराचे मिळाले
जगणे माझे प्रेममय झाले !!
प्रारब्ध भोगता, संचित फेडता
ऋणानुबंध प्रेमाचे निर्मिले
एकटा आलो, स्मृतींतून उरलो
जगणे माझे अमर झाले !!
-- संजय कुलकर्णी.
No comments:
Post a Comment