नजरेत तुझ्या गहिरे रंग भावनांचे भरलेले,
तयातील काही रंगाने मजला वेड लावलेले ..!!
नजरेत तुझ्या गूढ अंतरंग मनाचे दडलेले,
त्यांमुळे स्फुरले मला प्रेमतरंग माझे लपलेले ..!!
नजरेत तुझ्या मनोहर रूप जीवनाचे सजलेले,
त्यातील गुलाबी रंगात माझे स्वप्न पाहिलेले ..!!
नजरेत तुझ्या अलवार झाक आनंदाची फुललेली,
त्यामध्ये लाभली सुखाची किनार मला हरवलेली ..!!
नजरेत तुझ्या काळी छटा दु:ख्खाची पसरलेली,
त्यामध्ये माझ्या ध्येयाची दिशा मला उमजलेली ..!!
नजरेत तुझ्या मूक काळजी भविष्याची दर्शविलेली,
त्यामुळे लागली ओढ जीवनांत तुला बहरविण्याची ..!!
नजरेत तुझ्या नकळत आस प्रेमाची पाणावली,
तयांतुन प्रीत माझी तुजवर मनस्वी बरसली ...!!
-- संजय कुलकर्णी.
No comments:
Post a Comment