शिदोरी ...


आईपासून दूर जाताना 
तिच्याच जीवाचा तुकडा 

बिलगून म्हणतो आईला 
नको अडवू मला ..

उंबरठा ओलांडूनघराचा 
अन पदर सोडून मायेचा

बाहेरील चित्र-विचित्र जग
मुक्तपणे पाहू दे मला ..


सारी सृष्टी, निसर्ग माणसे
न्याहाळू दे मला ..

टक्के टोणपे, हाल अपेष्टा
मान अपमान,जय पराजय

सारे काही एकट्यानं
साहू दे मला ..

माणसा माणसातील देव,दानव 
ओळखू दे मला ..

काळजी करू नकोस ..
जरी मी एकटा, अकेला

तरी घाबरू नकोस ..
कारण माझ्याबरोबर साथ 

सदैव तू प्रेमाने शिकवलेली
अक्षय संस्कार शिदोरी ..!!

-- संजय कुलकर्णी