मनमोकळे बोलशील का ..?

मनमोकळे बोलशील का ..?



अगदी सहजपणे , ना ठरवून कधी
एकटी मला तू भेटशील का ?
नको करू तू प्रेमाच्या गोष्टी
पण मनमोकळे मजसी बोलशील का ?



नटून-सजून ना येता कधी
साधी खऱ्या रुपात भेटशील का ?
नाटकी हासून ना बोलता कधी
हक्काने आपला मानून रडशील का ?



अंतरी दाबलेल्या दु:ख्खास कधी
धबधब्याप्रमाणे मजसमोर तू वाहवशील का ?
नाही मानलेस साथीदार कधी
तरी सुख-दु:ख्खात भागीदार तुझ्या करशील का ?



नको करू तू प्रेमाच्या गोष्टी
पण मनमोकळे मजसी बोलशील का ...?


---- संजय कुलकर्णी.