शब्द माझा तुला भाव तुझा मला
गीत जुने तरी अर्थ जाणला पुन्हा = धृ =.
बोल माझ्यासवे
गुज मनातले
नाच मयुरासवे
आनंदे हासुनी
गाली तुझ्या जसा खुलुनी गुलाब लाजला !
शब्द माझा तुला भाव तुझा मला
गीत जुने तरी अर्थ जाणला पुन्हा = १ =
थंडी मदभरी
तशात बोचरी हवा
रजई जुनीतरी
स्पर्ष उबदार नवा
धुंद वातावरणी जीव पुन्हा संजीवन जाहला !
शब्द माझा तुला भाव तुझा मला
गीत जुने तरी अर्थ जाणला पुन्हा = २ =
गाठ अपुली
कारणाशिवाय ना पडली
अधुर्या प्रेमकहाणीची
पूर्तता रुणानुबंधे घडली
संग माझा तुझा असा जन्म जन्मातला !
शब्द माझा तुला भाव तुझा मला
गीत जुने तरी अर्थ जाणला पुन्हा = ३ =
---- संजय कुलकर्णी.
No comments:
Post a Comment