आठवणी ...
भरलेल्या जखमेवरील काढून खपली
आठवणी डोळ्यातून झरझरा वाहतात ,
अन कधी आसवून तनमनी
सखयाच्या मीलनाची ओढ लावतात ..!
ध्यानीमनी नसताना अचानक उगवतात
फणा काढून डंख उदासीनतेचा मारतात ,
कधी बेभान बरसलेल्या भिजलेल्या स्मरणांनी
जागवून रात्रभर स्वप्नी पहाटेस छळतात ..!
दूर राहून आठवणींनी जवळी राहण्याचा
हा त्याचा अनोखा प्रेमाचा फंडा ,
मनातून मात्र आठवांनी सजणासवे राहण्याचा
जगावेगळा माझा मनस्वी प्रेमाचा धंदा ...!!!
--- संजय कुलकर्णी .
No comments:
Post a Comment