बोल अंतरात्म्याचे ..!



मनी दाटलेल्या प्रश्नांची कशास शोधिसी तू उत्तरे
समजुनी तयासी काय फरक पडेल तुझ्यात खरे ..?



खुळ्या ... शहाण्यासारखी गप गुमान कर तू चाकरी
नशिबी तुझ्या बोलणी साहेबाची अन बायकोची गुलामगिरी ..!



मारू नकोस मस्का दररोज जावूनी तू मंदिरी
देवांनाही पुसतां ना येत प्रारब्धाच्या हातावरील लकेरी ..!



मानलीस कितीहि तू सारी आदर्श जीवनाची तत्वे
भूक लागता दुपारी गीळशील आपसूक कुठलेही तुकडे ..!



सुचणार नाही कधी तुला सुखस्वप्नांची भावमधुर प्रेम-वचने
रडत-कुढत तू गा सदैव नैराश्यी गंभीर शब्द-कवने ..!!



-- संजय कुलकर्णी .