प्रेम दिवाणा ..!!
मन मोडण्याची
तुझी हि पहिली वेळ नाही ,
प्रेम करण्याची
माझी पण काही सीमा नाही ..!!
तुला पाहून
मी का पुन्हा वळतो आहे ,
मला बघून
तू खरंच हसलीस तर नाही ..!!
मला बघून
इशारे नजरेने तुझे सहजी झाले ,
तुला पाहून
प्रेम माझ्या मनातून उत्स्फूर्त आले ..!!
मला भेटून
तुला काही हृदयी जाहले होते ,
अबोल हासून
तू प्रेमसंकेत जरूर दिले होते ..!!
मला खेळविण्याचे
तरी तू कधी टाळले नाही ,
मन वळविण्याचे
तुझे मीही कधी सोडले नाही ..!!
अशा अबोल्याने
फरक तुला काही पडला नाही ,
खरं सांगतो
तेव्हापासून स्वप्नातून तू गेली नाही ..!!
--- संजय कुलकर्णी .
No comments:
Post a Comment