प्रेमात तुझ्या मुळीच नाही ...!!
समजू नकोस तू वागणे तुझे समजत नाही
ऐकावे मनाचे कसे हेच तुला उमजत नाही !
लक्ष वेधण्याचे तू नित्य-नवे प्रयत्न करत राही
कटाक्ष टाकता मी हर-तर्हे मज टाळत राही !
बोलण्यास मजला तू सतत भाग पाडत राही
विचारता काही मी गप्प राहुनी रुसत राही !
भोगले जयांस तू स्मरूनी उदास जगत राही
फुलविता आशांस मी दाबुनी भावनांस झुरत राही !
कळले ना तुला नकळत स्वप्ने प्रीतीची पाही
म्हणतेस कशी मला प्रेमात तुझ्या मुळीच नाही ..?
-- संजय कुलकर्णी .
No comments:
Post a Comment