मन मंदिरी मी तुजसवे नांदतो
तुला न भेटता मनी तुझ्या प्रेमास जाणतो ....!! धृ !!
असेच रोज सकाळी तू
दर्पणी बघ साजणे
असेच मला देखुनी तू
गाली हास लाजरे
गालावरील खळीस तुझ्या मी इथे हळूच चुंबतो !
मन मंदिरी मी तुजसवे नांदतो
तुला न भेटता मनी तुझ्या प्रेमास जाणतो -- १ --
अशीच रोज नटुनी
वाटेवर लाव तू डोळे
अशीच ना दिसल्यावरी
उदास होशी तू खुळे
डोळ्यातील आसवे तुझी मी इथुनी टिपतो !
मन मंदिरी मी तुजसवे नांदतो
तुला न भेटता मनी तुझ्या प्रेमास जाणतो -- २ --
अजून नाकार सत्यास तू
भ्रामक दु:ख्खास मानुनी
सखये ... विचार मनास तू
डोकावून हृदयी कधीतरी
रोज स्वप्नात येवूनी कोण तुला ग सुखावतो ..?
मन मंदिरी मी तुजसवे नांदतो
तुला न भेटता मनी तुझ्या प्रेमास जाणतो -- ३ --
--- संजय कुलकर्णी .
No comments:
Post a Comment