मी आनंदयात्री ...!!
क्षण क्षण अपुरा पडत जातो
आनंद अफाट वाही ,
अता दु:ख्ख्ही कल्पना वाटते
हताश वाटत नाही ..!
भुरभूर लावत ओसंडती भावना
घेत ताबा मनाचा ,
उल्हासित अविरत जीवाला
सावरता येत नाही ..!
अकस्मात भेटते सुख
आनंदासी निरपेक्षुनी लुटता ,
प्रेमानंदी विहरता इतरांस पाहुनि
जीव आत्मानंदी नाची ..!!
एकलकोंडी निराश रडगाणी
हरवते मुक्तपण ,
भ्रामक काल्पनिक विराणी
मनास रुचतच नाही ...!!!
-- संजय कुलकर्णी .
No comments:
Post a Comment