मनस्वी प्रेमळ अतूट निरंतर ,
मोहक सोज्वळ अनोखे मैतर .. !!
मनस्वी प्रेमळ अतूट निरंतर
मोहक सोज्वळ अपुले मैतर ..
जन्मो जन्मी पुन्हा जन्मती
जपण्यासाठी ... मैत्र जन्मजन्मांतर ... !!
मनस्वी प्रेमळ अतूट निरंतर ...!!
असेच सहजी तुला आठवावे
अन त्याचवेळी तुही दचकावे,
मम भासांनी बावरे व्हावे
मनी आसुनी शोधावे दिनभर
मनस्वी प्रेमळ अतूट निरंतर ...!!
मला भेटुनी रडते हसते
भडभडा बोलुनी भांडते भयंकर ,
निरोप घेता म्हणते नंतर
चिडलास का मजवर खरोखर ..?
मनस्वी प्रेमळ अतूट निरंतर ...!!
कधी रागावूनी मी तोडावे
कधी फणकारुनी तुही रुसावे,
अहंकारे नडलो तरी ही
एकमेकांस ना विसरावे क्षणभर ...!!
मनस्वी प्रेमळ अतूट निरंतर ...!!
तुझ्यापासुनी मी मैलो कोसांवर
माझ्याजवळी तू एका हाकेवर,
उदास होता कधी पळभर
फडफडूनी पापणी तुही सैरभैर ...!!
जन्मो जन्मी पुन्हा जन्मती
जपण्यासाठी... मैत्र जन्मजन्मांतर ..
मनस्वी प्रेमळ अतूट निरंतर ...!!!
--- संजय कुलकर्णी.
No comments:
Post a Comment