प्रेम द्यावे, प्रेमात जगावे ;
ना अपेक्षावे, ना रुसावे !
हात देता कुणी प्रेमाने ,
घट्ट तयास धरून ठेवावे !
हक्क ना अपुला मातीवर ,
हक्क ना कधी पाण्यावर !
हक्क ना कुणाचा निसर्गावर ,
जगावे पाहुण्या प्रमाणे आयुष्यभर !
स्वच्छंद उडणार्या फुलपाखरासम असावे ,
झरझर वाहणार्या नदीसम असावे !
स्वत:हून वर्षले कुणी प्रेम तुम्हांवर ,
नाचावे बेधुंदपणे भिजून प्रेम-वर्षावात अनावर !
चेहरा पाडुनी ना रहावे क्षणभर ,
बोलते राहुनी मनमोकळे करावे निरंतर !
शोधावे आनंदास हरेक अनुभवात सर्वांबरोबर ,
शब्द सुचता गावे गीतातून हर्षविभोर ...!
---संजय कुलकर्णी .
No comments:
Post a Comment