Popular Posts

Tuesday, July 26, 2011

प्रवास एका मैत्रीचा ...



प्रवास एका मैत्रीचा ...


प्रवास एका मैत्रीचा
तुझ्या माझ्या सहवासाचा
मनस्वी उत्कट प्रेमाचा
आंतरिक अतूट बंधनाचा ...!


प्रवास एका मैत्रीचा
अलगद हलक्या सरींचा
अबोलपणे मनातील सांगण्याचा
मूकपणे अंतरी समजण्याचा ... !


प्रवास एका मैत्रीचा
टपटप पडणार्या गारांचा
सुखात आनंदाने गाण्याचा
दु:ख्खात एकत्र साह्ण्याचा ...!


प्रवास एका मैत्रीचा
उबदार पहाटेच्या थंडीचा
हळूवार पणे मने जपण्याचा
न स्पर्शता हृदयात वसण्याचा ...!


प्रवास एका मैत्रीचा
गर्मीत तहानलेल्या उन्हाळ्याचा
असहाय्य परीस्थितीत सुद्धा
खंबीरपणे साथ देण्याचा ...!


प्रवास एका मैत्रीचा
अपयशात उमेद जगविण्याचा
यशात समतोल रहाण्याचा
क्षणोक्षणी सावरण्याचा,घडविण्याचा ...!


प्रवास एका मैत्रीचा
अनोख्या प्रेमाच्या नात्याचा
बंधनात कुठल्याही न जखडता
जीवनभर मैत्र निभावण्याचा...!


---संजय कुलकर्णी.

No comments:

Post a Comment