ही माझी प्रीत निराळी
जसे गंगेचे पवित्र पाणी ,
दु:ख्खाच्या गतस्मृतींना
नाहवी प्रेम जलात आगळी ...!
जरी भेटी निराशा पावलोपावली
आनंदाने त्यास मारतो मिठी ,
हृदयस्थ मधूर भावनांना
स्पर्शता गाती सुखाशेची सुरम्य-गाणी ...!
आस प्रेमाची असते सर्वा मनी
स्वप्नांची दाखवून तयांस गोडी ,
काव्यातून उधळीत भाव सुमनांना
प्रीत नाची आनंदाने होऊन प्रेम-दिवाणी ...!!
---संजय कुलकर्णी.
No comments:
Post a Comment