भांडणे ...
नजर तुझी माझी
कधी ना जुळायची ,
पण चोरून पाहण्याची
संधी ना सोडायची ..!!
इच्छा असुनी कधी
ओळख ना वाढवायची ,
सुरवात कुणी करायची
ह्याचीच वाट पहायची ..!!
समोरा समोर येता
सलगी ना दाखवायची ,
इतरांमध्ये मात्र चर्चा
सतत एकमेकांची करायची !
मते तुझी माझी
कधी ना जुळायची ,
पण वाद घालण्याची
प्रथा ना मोडायची ..!!
अंतरी सल असुनी
स्पर्धा आनंदी दाखविण्याची ,
मनांतरी गरज असुनी
इर्षा श्रेष्ठत्व गाजविण्याची ..!!
काळजी दोघांस लागली
कोंडी कधी कशी सुटावी ?
कुजबुज जनात माजली
लुटुपुटूची प्रेमाची भांडणे असावी ..!!
--- संजय कुलकर्णी.
No comments:
Post a Comment