स्मृतीतून सर्वांच्या वसावे ..!!
निसर्गास नम्रतेस नमावे
भविष्यास स्वप्नी पहावे,
प्रयत्नांस ना टाळावे
आव्हानांसी सदैव झेलावे ..!
चुकांपासून सतत शिकावे
स्तुतीसुमनांनी ना हुरळावे,
टीकेस सकारात्मक पहावे
अपयशास ना घाबरावे ..!
सौंदर्यास मुक्तपणे वाखाणावे
कुरुपतेस ना हिणवावे,
प्रत्येकातील चांगले स्वीकारावे
दोषांस कटाक्षाने दुर्लक्षावे ..!
सर्वांसी प्रेमाने बोलावे
सर्वांत मिसळूनी असावे,
मनमोकळे सर्वांशी वागावे
आनंदास इतरात लुटावे ..!
हवेहवेसे प्रत्येकास वाटावे
माणसांत देवास भेटावे,
सुखास्तव इतरांच्या झटावे
स्मृतीतून सर्वांच्या वसावे ..!!
--- संजय कुलकर्णी.
No comments:
Post a Comment