रेशीमगांठ ..!!
तुझ्या प्रेमळ साथीचा भरवसा,
मज लाभला जीवनी कृष्णावाणी
तुझ्या प्रेमात नाहिली मी,
अरे जशी राधा प्रेमदिवाणी ..!!
तुझ्या आठवांत रमते मी,
तुझ्या आठवांत रमते मी,
भान हरपून तिन्ही त्रिकाळी
तुझ्या मिलनाच्या गोडीने मी,
विसरून सर्वास लाजते भलत्यावेळी ..!!
अथांग सागरातील नदीचे पाणी ,
अथांग सागरातील नदीचे पाणी ,
वेगळाले करू शकते का कोणी
प्रीत माझी सखया तशी,
सगुण कुडीतील निर्गुण चक्रपाणी ..!!
रीत जगावेगळी प्रेमाची माझी ,
रीत जगावेगळी प्रेमाची माझी ,
नाकळे तुजवर कशी जडली
नजर भेटीत अचानक तुझी ,
रेशीमगांठ जन्मांतरीची मजसी घडली ..!!
-- संजय कुलकर्णी .
-- संजय कुलकर्णी .
No comments:
Post a Comment