का रडत रहावे ...?

का रडत रहावे ...?



मनाप्रमाणे ना लाभूनही, सुखात मी जगतो आहे
मनासारखे ना मिळाले म्हणुनी, मी का सलतो आहे ?



बहुतांश प्रेम-प्रकरणे अयशस्वी होतात, ठाऊक मला आहे
स्वत:हून खड्ड्यात पडण्यासाठी अजूनही, मी का तळमळतो आहे ?



आनंदात पाहुनि मला मनात , जो-तो जळतो आहे
हातचे सोडून पळत्यामागे तरीही , मी का धावतो आहे ?



जीवन म्हणजे सतत बदल, तत्व मजला ठावे
दु:ख्ख येता अकस्मात निराशुनी, मी का हताश व्हावे ?



जन्मासी येता मरण अटळ, भ्रमण आत्म्याचे जाणावे
ऋणानुबंधाचे भेटणे वियोगणे समजूनही, मी का रडत रहावे ...?


--- संजय कुलकर्णी .