सांज जाहली, ओढ लागली पण
ती येणे अजून बाकी ,
खुप बोलली, लाजून हासली पण
मन कळणे अजून बाकी ..!
लग्न झाले, मुले झाली पण
प्रेम करणे अजून बाकी ,
दिन गेले, वय सरले पण
जीवन जगणे अजून बाकी ..!
लढे झाले, स्वातंत्र मिळाले पण
भरभराट होणे अजून बाकी ,
नेते जाहले, पक्ष निघाले पण
'जन-नेता' येणे अजून बाकी ..!
घोषणा गाजल्या, सत्ता मिळाल्या पण
वाली जनतेचा अजून बाकी ,
उपोषणे गाजली, आशा जागली पण
भ्रष्टाचार रयतेचा अजून बाकी ..!
शोध लागले, सुखसोयी आल्या पण
सुख लाभणे अजून बाकी ,
इंटरनेट आले, जग जवळी आले पण
मने दुरावणे अजून बाकी ....!!
---संजय कुलकर्णी .
No comments:
Post a Comment