कुणा कसे कळावे ...?

तुझ्या असण्यात माझे पंचप्राण होते
एकत्व काय असते , शब्दात काय वर्णावे ..!

तुझ्या भावविश्वात मीच सदैव होते
मनोमिलन काय असते, जगास काय सांगावे ..?

गुलाबी स्पर्शांचे गालिचे पसरले होते
मदधुंद गात्र होते, पुरावे काय दावावे ..?

बेधुंद श्वासांचे तुफान उठत होते
बेहोष आसमंत सारे, स्वर्गसुख काय असावे .. ?

जवळ तू नसूनी आठवांत रमावे
प्रेम अमर असते , कुणा कसे कळावे .. ?

---संजय कुलकर्णी .