कधी ना वाटले लिहीन कविता
तुला भेटता बघ वाहिली शब्द-सरिता ..!
कवीता माझी प्रिये तुजसाठी लिहिलेली ,
अबोल प्रीत मी तयांत वर्णलेली ..!
शब्द जरी होते यमकानुरूप पेरलेले
भाव मात्र मम प्रेमस्वरूप दडलेले ...!
कविता माझी स्वप्नील, प्रेमात रंगलेली ,
सौंदर्य खुणांनी प्रियेच्या ओतप्रोत सजलेली ...!
कविता माझी शृंगारात नखशिखांत भिजलेली,
मधुर अमृतप्रेमाने स्वर्गीय सुखात नाहलेली ...!!
--- संजय कुलकर्णी .
No comments:
Post a Comment