तुझ्या ओठांनी प्रेमगीत माझे गायचे ,
तुझ्या मधुर स्वरात शब्दांनी नहायचे !
हृदयस्पर्शी भावनांत तू मंत्रमुग्ध व्हायचे ,
प्रेमास माझ्या अंतरातून समजून घ्यायचे !
मला न साहावे तुझा विरह अता ,
टाळून नजरा लोकांच्या भेट ना मला !
तुझ्या लोचनात मला हरवून ग जायचे ,
मिठीत तुझ्या स्पर्शगंध मज हळूवार लुटायचे !
मला ना आवडे तुझा हा लटका रुसवा ,
महत्प्रयासाने भेट होता का अबोला फसवा !
तन मनात तुझ्या स्वप्नांचे प्रेमांकुर फुलवायचे ,
सुगंधित श्वासात मिसळूनी आनंदे एकरूप व्हायचे !
--- संजय कुलकर्णी.
No comments:
Post a Comment