मनी आंस उडण्याची
सुरवातही स्वत:हून करायची ,
भरारी स्वप्नांची घेतल्यावर
अफाट आसमंतास पाहून ...
घाबरून माघार का घ्यावी ?
मनी आंस आनंदाची
फुलपाखरासम मुक्त विहरण्याची
मोहून गुलाबास रुंजताना
नावाजणार्या जळणार्या जनाची ...
उगा काळजी का करावी ?
मनी आंस प्रेमाची
कृष्णाची राधा होण्याची
मनातून सर्वस्व अर्पिताना
संकुचीत नजरेने पाहणार्यांच्या ...
टीकेची भीती का बाळगावी ?
---संजय कुलकर्णी.
No comments:
Post a Comment