आसवांची बरसात होईल ...!
भेट तुझी माझी
आता अशीच होईल ,
आठवण काढत तुझी
आसवांची बरसात होईल ... !
भेटायचे नाही आता कधी
आंस भेटण्याची बाळगणार नाही ,
समोरासमोर आलोच जर कधी
नजरेला नजर मिळवणार नाही ...!
चेहऱ्यावर आनंदी दाखवून
तुझ्या समोरून निघून जाइन ,
दु:ख्ख प्रेमभंगाचे लपवून
गालावर हास्याची पखरण करीन ... !
जगाच्या पाठीवर तू
माझ्या पासून दूर रहाशील ,
पण एकांतात तू
सतत माझ्या हृदयात असशील ...!!
---संजय कुलकर्णी
No comments:
Post a Comment