कृष्ण... मम प्रियसखा !
हे लाडक्या कृष्णसख्या,
गोप गोपिकांच्या सुहृदया !
देवकी नंदाच्या परमानंदा
राधेरमणा 'वसुदेव-यशोदा' नंदना !
कितीही युगे जरी लोटली,
हे कन्हैया तुजला अवतारुनी !
जन्म झाले किती माझेही,
साथ मानतो तुझी जन्म-जन्मांतरीची !
येवोत दिन कसेही ह्या जीवनी,
साथ तुझीच रे मला अंतरी !
पूजा, कर्म-कांड मी ना करी ,
केवळ प्रेम करतो मी तुजवरी !
परी पेंद्या-सुदाम्याची जशी,
"सख्य-भक्ती" माझी तशी !
देवू नको मला तू काहीही,
अंतरु नकोस मज कधीहि... !!!
---संजय कुलकर्णी.
No comments:
Post a Comment